Beholder

მოემზადეთ შიშის ზარის დასაცემად პირქუშ დისტოპიურ მომავალში, სადაც დიდი ძმა ყველგან გიყურებთ. „ბიჰოლდერი“ არის თამაში, სადაც თქვენ ხდებით მრავალსართულიანი კორპუსის მენეჯერი ტოტალიტარულ სახელმწიფოში, სადაც აბსოლუტურად ყველაფერი კონტროლდება. ამ როლის შესრულება კი, დიდ ძალაუფლებასთან ერთად, უდიდეს პასუხისმგებლობასაც მოითხოვს. თქვენი უმთავრესი მიზანია ფარულად ადევნოთ თვალი ყველა თქვენს მოიჯარეს, ყური მიუგდოთ მათ საუბრებს და კომპრომატები მოიძიოთ.

სანამ თქვენი მოიჯარეები მშვიდად ატარებენ დროს ქალაქში, თქვენ მათ ბინებში მოსასმენ აპარატურას აყენებთ, პოულობთ სახელმწიფოსთვის საინტერესო ინფორმაციას და შემდეგ ამ მონაცემებით მათ პროფაილებს ქმნით. თუ შეამჩნევთ, რომ თქვენი კორპუსის რომელიმე მაცხოვრებელი კანონს არ ემორჩილება, ან რაიმეს ცუდს გეგმავს სახელმწიფოსთვის, სასწრაფოდ უნდა შეატყობინოთ ხელისუფლებას. წარმოიდგინეთ სიტუაცია, როდესაც თქვენს თვალწინ ხდება დანაშაული, დამნაშავე კი ოჯახის ერთადერთი მარჩენალია, რომლის დაჭერაც მის შვილებს ქუჩაში დატოვებს. რას მოიმოქმედებთ? მისცემთ უფლებას, რომ გაექცეს პასუხისმგებლობას, თუ მისაბაძი მაგალითი იქნებით სხვებისთვის და მას დააკავებთ? ან იქნებ დააშანტაჟოთ ის და ამით თქვენი ოჯახისთვის რაიმე სარგებელი ნახოთ?

„მძიმე არჩევანის“ წინაშე ხშირად დადგებით. ამ „სტრატეგიულ თამაშში“ თქვენ ბევრ საინტერესო პერსონაჟს შეხვდებით და უამრავ დავალებას შეასრულებთ. გახსვოდეთ, რომ თქვენი თითოეული გადაწყვეტილება გავლენას ახდენს თამაშის დასასრულზე. ასე რომ, ჩაეფლო „მეთვალყურე თამაშში“ და შენ გახდი შენი ბედის შემოქმედი!