Car Trader Simulator

„Car Trader Simulator“-ში თქვენ ხდებით ამერიკელი ავტოდილერი, რომლის მიზანია გამდიდრება - როგორ მიაღწევთ წარმატებას, ეს მხოლოდ თქვენზეა დამოკიდებული. შეგიძლიათ იმოქმედოთ კანონის ფარგლებში და გაყიდოთ ორიგინალი ავტომობილები, ან სცადოთ ბედი შავ ბაზარზე და მოიპოვოთ სოლიდური მოგება არალეგალური გზით. ეს არის შანსი, გამოსცადოთ საკუთარი თავი, როგორც მეორადი მანქანების დილერმა და თავად მართოთ ავტოიმპორტის საქმე! მთავარია, გახსოვდეთ: თქვენი რეპუტაცია ყველაზე მნიშვნელოვანია!

თამაშს სამი სირთულის დონე აქვს: დამწყებთათვის მარტივი და საშუალოა რეკომენდებული, ხოლო „ავტო ბიზნესის სიმულატორის“ ჟანრის პროფესიონალებისთვის - ექსპერტის დონე, სადაც არანაირი მინიშნება არ არის და მოთამაშე მხოლოდ საკუთარ ინტუიციასა და გამოცდილებას უნდა დაეყრდნოს. თქვენ მოგიწევთ თანამშრომლების აყვანაც, რომელთა კვალიფიკაცია, სპეციალიზაცია და, შესაბამისად, ანაზღაურებაც განსხვავებულია. შეარჩიეთ საუკეთესო კადრები იმისთვის, რომ თქვენმა ვირტუალურმა ბიზნესმა წარმატებას მიაღწიოს.

Car Trader Simulator-ში მრავალფეროვანი ეკონომიკური არჩევანის წინაშე დადგებით: ინვესტიციები ახალ თანამშრომლებში, მანქანების შეკეთება თუ ეფექტური რეკლამა? იგრძენით თავი დიდი ავტოვაჭრობის მესვეურად, რომელსაც მოგების გაზრდისთვის მნიშვნელოვანი გადაწყვეტილებების მიღება სჭირდება. შეგიძლიათ, ავტომობილების აუქციონშიც მიიღოთ მონაწილეობა და კონკურენტებთან ერთად გაიმარჯვოთ საუკეთესო მოდელებისთვის ბრძოლაში. ამას გარდა, უშუალოდ მოგიწევთ კლიენტებთან ურთიერთობა და მათი მოთხოვნების დაკმაყოფილება, რათა თქვენი ერთგული მომხმარებლები გახდნენ!