Castle Flipper

მოემზადეთ შუა საუკუნეების სამყაროში სამოგზაუროდ, სადაც თქვენი ამოცანაა, დიდებული ციხესიმაგრეებისთვის მეორე სიცოცხლის შთაბერვა და მათი ხელახლა აწყობა-გალამაზება!

"Castle Flipper-ში" თქვენ უნიკალური შანსი გეძლევათ, შუა საუკუნეების მშენებლის მანტია მოირგოთ. სათავე დაუდეთ საკუთარი სამეფოს მშენებლობას, სადაც თქვენი გემოვნებით შეძლებთ შენობების აგებას, შეკეთებასა და მორთვა-გაფორმებას. მოინახულეთ თვალწარმტაცი ლოკაციები, სადაც ციხესიმაგრეებთან ერთად, ფარეხების, ბეღლების, ქოხებისა თუ სასახლეების განახლება მოგიწევთ - ვინ იცის, იქნებ ერთ დღეს მეფედაც გაკურთხევენ!

თუ სახლების განახლების თამაშები გიტაცებთ, ეს სწორედ თქვენთვისაა - ჩაუღრმავდით ინტერიერის დიზაინის ხელოვნებას და თქვენი ციხესიმაგრისთვის უნიკალური ატმოსფერო შექმენით! ძველი ნაგებობების აღდგენა და დეკორირება ახლა თქვენს ხელშია. თამაშში წარმოდგენილია XVI-XVII საუკუნეების შენობები, სადაც შუა საუკუნეების არქიტექტურასთან ერთად, ბაროკოსა და რენესანსის ეპოქების ელემენტებსაც შეხვდებით, რაც თქვენს გამოცდილებას კიდევ უფრო გაამდიდრებს.

გახდით ნამდვილი დიზაინერი - შეცვალეთ ციხესიმაგრის იერსახე, თქვენი გემოვნებით შეარჩიეთ ეზოს გამწვანება და გაახალისეთ იგი სხვადასხვა ჯიშის ცხოველებით. აირჩიეთ დროშებისა და ალმების ფორმები, ფერები და დიზაინი. თუ რამე გულზე არ დაგხვდათ, შეგიძლიათ კედლების დანგრევაც და მშენებლობის თავიდან დაწყებაც კი! თქვენ გაქვთ სრული კონტროლი ციხესიმაგრეების რემონტზე - ბედისწერა თავად თქვენს ხელშია!