Darwin Project

წარმოიდგინეთ პოსტ-აპოკალიფსური კანადის კლდოვანი მთები, სადაც მოახლოებული ყინულის ხანის გამო, გადარჩენისთვის სასტიკი ბრძოლაა გაჩაღებული. ათი პატიმარი „Darwin Project“-ის უკიდურესად სასტიკ გარემოში საკუთარი სიცოცხლის გადასარჩენად თავდაუზოგავად იბრძვის, თუმცა, მხოლოდ ერთია, ვინც ამ ბრძოლაში გამარჯვებას მოიპოვებს. მოთამაშეებს მოუწევთ კონკურენტების ძებნა, მათთან შებრძოლება, რესურსების მოპოვება და საჭირო აღჭურვილობის დამზადება, რაც ხშირად სოციალურ უნარებსაც მოითხოვს.

„დარვინი“ Battle Royale-ის ჟანრს სრულიად განსხვავებულად წარმოგვიდგენს, სადაც შოუს რეჟისორი მატჩის მიმდინარეობას სრულიად აკონტროლებს, მაყურებლების ჩართულობა კი თამაშს უნიკალურ სანახაობად აქცევს. „Darwin Project“-ში თამაშის წესების ცოდნა მნიშვნელოვანია, თუმცა საკმარისი არ არის. აუცილებელია რესურსების მოპოვება, ხელსაწყოების დამზადება, აღჭურვილობის გაუმჯობესება, მოწინააღმდეგეებისთვის თვალთვალი, ახლო და შორ მანძილზე ბრძოლებში ჩართვა და, რაც მთავარია, უკანასკნელ გადარჩენილად დარჩენა. სწორედ ამიტომ, ამ თამაშში სტრატეგიული უნარების წარმოჩენის მრავალი ასპექტი არსებობს.

რას უნდა ელოდოთ „დარვინის პროექტი“-სგან? უპირველეს ყოვლისა, ეს არის:

• მაყურებლის ჩართულობა—მაყურებელს შეუძლია უშუალოდ მოახდინოს გავლენა თამაშის მიმდინარეობაზე.
• შოუს რეჟისორი — სწორედ რეჟისორია ის ძალა, რომელიც მოთამაშეებსა და მაყურებელს აკავშირებს, ვინაიდან ის სრულიად აკონტროლებს უზარმაზარ არენას ბირთვული ბომბების, ზონების ჩაკეტვისა და გრავიტაციული შტორმების გამოყენებითაც კი.
• დინამიკური, ტაქტიკური გეიმპლეი გადარჩენის ელემენტებთან ერთად — მხოლოდ კარგი მოთამაშეობა საკმარისი არ არის, გამარჯვებისთვის აუცილებელია ეშმაკობაც და განსაკუთრებული მარაგის გამოვლენაც!

დარწმუნებული ვართ, „დარვინის პროექტი“ საქართველოში ძალიან მალე მოიპოვებს პოპულარობას, რადგან იგი მოთამაშეებს უნიკალურ და საკმაოდ დაძაბულ გამოცდილებას სთავაზობს.