Grim Dawn

წარმოიდგინეთ სამყარო, სადაც კაცობრიობა გადაშენების პირასაა, რკინა ოქროზე უფრო ძვირფასია და ნდობა იშვიათ სანახაობად იქცა. ეს არის Grim Dawn-ის სამყარო, ARPG, სადაც ყველა არჩევანს ფასი აქვს. მოემზადეთ, რომ პირისპირ შეხვდეთ საზარელ მონსტრებს და მხსნელად მოევლინოთ გადარჩენილებს. თუკი Action RPG თამაშები გიტაცებთ, GD ნამდვილი ზეიმი იქნება თქვენთვის და საათობით დაუვიწყარ თავგადასავლებში გამოგზაურებთ.

თამაშში თქვენ გეძლევათ არჩევანი ექვსი უნიკალური კლასიდან ერთ-ერთზე, რათა განავითაროთ თქვენი პერსონაჟი, მოაგროვოთ უამრავი უნიკალური ნივთი და თავადვე გაჭედოთ თქვენი ბედის რკინა. Crate Entertainment-ის თამაშები, მათ შორის GD, გამოირჩევა სიღრმითა და დეტალებისადმი ყურადღებით. მოგიწევთ ისეთი გადაწყვეტილებების მიღება, რომლებსაც უდიდესი გავლენა ექნებათ თამაშის სამყაროზე. შეგიძლიათ ერთიორად გააძლიეროთ თქვენი პერსონაჟი – აირჩიეთ და შეუთავსეთ ერთმანეთს ექვსი სხვადასხვა კლასიდან ნებისმიერი, გამოიყენეთ 25-ზე მეტი უნარი და მოდიფიკატორი თითოეულ კლასში. თქვენს განკარგულებაშია ასობით უნარი, რომელთა მიღება შესაძლებელია ნივთებისა და აღჭურვილობის დამატებით. ასევე, მოგიწევთ სხვადასხვა ფრაქციასთან ურთიერთობა, ზოგთან მეგობრობა, ზოგთან კი – დაპირისპირება. ურთიერთობების გარღმავებასთან ერთად, თქვენს წინაშე ახალი ქვესტები და შესაძლებლობები იხსნება. ნუ დაივიწყებთ სამყაროს აღდგენას: დაეხმარეთ ადამიანთა ანკლავებს გადარჩენასა და განვითარებაში, მოიპოვეთ რესურსები, აღადგინეთ შენობები და იხსენით გადარჩენილები, რომლებიც თქვენს სამსახურში ჩადგებიან. და რაც მთავარია, შეგიძლიათ მეგობრებთან ერთად გაერთიანდეთ და ოთხმა ერთად იბრძოლოთ ამ დიდებულ სამყაროში.

ეს არის თავგადასავალი, რომელსაც დიდხანს გაიხსენებთ. ჰოდა, რაღას უცდით, დროა თქვენც იქცეთ ლეგენდად!