Monster Outbreak

სამყარო განადგურების პირასაა, განზომილებიდან შემოჭრილი ურჩხულების ლაშქარი უმოწყალოდ ანადგურებს სამეფოს. შენ ხარ იულია, სამეფო გვარდიის უკანასკნელი იმედი - სწორედ შენ მოგიწევს ამ ქაოსის შეჩერება. მოემზადე დაუვიწყარი ბრძოლებისთვის, სადაც ყოველი ნაბიჯი გადამწყვეტია ამ მონსტრული აპოკალიფსის შესაჩერებლად?

ზურგი მყარად უნდა გქონდეს, ამიტომ რესურსები დროულად მოიმარაგე, ციხესიმაგრე ისე ააგე, რომ ვერავინ გაბედოს შემოჭრა და არსენალი ისე გააძლიერე, რომ ღირსეულად შეხვდე განსაცდელს. შენი მიზანია არა მხოლოდ გადარჩენა, არამედ ურჩხულების შემოსევის წყაროს პოვნა და სამუდამოდ განადგურება! იარაღი და მახე ისე უნდა გამოიყენო, რომ მტერს შანსი არ დაუტოვო. შეიმუშავე ისეთი სტრატეგია, რომელსაც ვერცერთი მონსტრი ვერ გაექცევა - გახსოვდეს, ყოველი გადაწყვეტილება მნიშვნელოვანია. ეს ომია, სადაც მხოლოდ ძლიერი გადარჩება!

Monster Outbreak-ში დაუვიწყარი თავგადასავლები გელოდებათ:

• აითვისე იულიას მრავალფეროვანი არსენალი - ხმლებიდან დაწყებული ელემენტალური მაგიით გაჯერებული მშვილდებით, ტაქტიკურად აჯობე მოწინააღმდეგეს და გაანადგურე მტრები.
• აღმართე გაუვალი კოშკურები, გამოიყენე ბომბების მსროლელი, არბალეტი და სხვა დამცავი ნაგებობები - გადააქციე შენი ბაზა აუღებელ ციხედ და დაიმახსოვრე, სწორად დაგეგმილი ბრძოლა გამარჯვების საწინდარია!
• გამოიყენე ყველა ხერხი - მიწაში ჩაფლული მახეები, დაჭიმული ბომბები თუ ელემენტების ძალით ნაკურთხი ხაფანგები - მთავარია, გაანადგურო ურჩხულები და დაიცვა შენი სამეფო.

თუ შენი ციხესიმაგრე გაუძლებს იერიშს, გამოდი გარეთ და პირისპირ შეებრძოლე ურდოებს, გამოიკვლიე ნანგრევებად ქცეული სამეფო, აღადგინე ხიდები და მოიპოვე რესურსები! ფრთხილად იყავი, ბოროტ ბოსებს შეუძლიათ ყველაზე მოულოდნელ დროს შემოგეჭრან! შეძლებ კი, იპოვო განზომილებათაშორისი კარიბჭის გასაღები და სამუდამოდ დაასრულო ეს კოშმარი?