Sea of Thieves: 2025 Edition

მოემზადეთ დაუვიწყარი საზღვაო თავგადასავლისთვის Sea of Thieves: 2025 Edition-ში – გახდით ზღვის მგელი და დაიმსახურეთ მეკობრული დიდება! ჩაეშვით უკიდეგანო ოკეანეში, იპოვეთ წარტაცებული საგანძურები, ჩაერთეთ დაუნდობელ ბრძოლებში და დაამარცხეთ ზღვის ურჩხულები. ამ განახლებულ ვერსიაში დამატებით ციფრულ კონტენტზეც გექნებათ წვდომა. Sea of Thieves ნამდვილ მეკობრულ გამოცდილებას გთავაზობთ: გემების მართვა იქნება ეს, ბრძოლა, კვლევა თუ ნაძარცვის მითვისება - ყველაფერი თქვენს ხელთაა, რათა ზღვის მგლის ცხოვრებით იცხოვროთ და უკვდავ ლეგენდად იქცეთ. აქ როლები არაა გაწერილი, სრული თავისუფლება გაქვთ და თავად წყვეტთ, როგორ ააწყოთ ურთიერთობა სამყაროსთან და სხვა მოთამაშეებთან.

გამოიკვლიეთ უზარმაზარი სამყარო, მოიარეთ ხელუხლებელი კუნძულები და იდუმალებით მოცული წყალქვეშა სამეფოები. ეცადეთ, საინტერესო მისიებში თქვენი შესაძლებლობები გამოავლინოთ. შეასრულეთ დავალებები, მოიპოვეთ დაკარგული სიმდიდრე, აიმაღლეთ სახელი სავაჭრო გილდიებში და გაუმკლავდით ყველას, ფანტომებიდან და ოკეანის ბინადრებიდან დაწყებული, მეგალოდონებითა და საზარელი კრაკენით დამთავრებული. მოსინჯეთ ძალა თევზაობაში, შეადგინეთ საკუთარი განძის რუკა, ან უამრავი სხვა მიზანი აირჩიეთ, რომლის მიღწევასაც თავგადასავლებით სავსე ამ სამყაროში შეძლებთ. გახსოვდეთ, Sea of Thieves გამუდმებით ვითარდება და უფრო მეტ შანსს გაძლევთ, ასე რომ, თვალი ადევნეთ სიახლეებს!

ყოველი სეზონი, დაახლოებით, სამ თვეში ერთხელ განახლებებს გვპირდება, რასაც თან რეგულარული შიდა ღონისძიებებიც ახლავს. ჩაეფლო თავგადასავლებში, მოაგროვეთ ნაძარცვი, გაითქვით სახელი და თქვენი განუმეორებელი სტილი შექმენით! მაძიებელი, მკვლევარი თუ დამპყრობელი - როგორი ლეგენდის ავტორი ისურვებდით, რომ ყოფილიყავით?