The Lord of the Rings: Return to Moria

მოემზადეთ შუახმელეთის მეოთხე ეპოქაში დაუვიწყარი თავგადასავლისთვის! წარმოიდგინეთ, ლორდ გიმლი საკეტის მოწვევით მიემართებით ბუნდოვან მთებში, რათა სათავეში ჩაუდგეთ ჯუჯების რაზმს. თქვენი მისიაა, დაიბრუნოთ დაკარგული საგანძური მორიადან, ჯუჯების ლეგენდარული სამშობლოდან, რომელსაც ხაზად-დუმიც ჰქვია და თქვენს ფეხქვეშ, სიღრმეში მდებარეობს! სწორედ ეს გელით „ბეჭდების მბრძანებელში: მორია“! გაინტერესებთ, რა ხდის მორიას თამაშებს ასე მომხიბვლელს? თავად გამოსცადეთ!

მორიას დიდებული საგანძურის დაბრუნების გზა მისსავე მაღაროებზე გადის. ჩაეშვით სიღრმეებში და შეიგრძენით, როგორ იქცევა ყოველი თქვენი ნაბიჯი ახალ აღმოჩენად. თავად წარმოიდგინეთ: პროცედურულად გენერირებული გარემო, რომელიც სავსეა როგორც რესურსებით, ისე მოულოდნელობებითა და, რა თქმა უნდა, საფრთხეებით - ვერასდროს იწინასწარმეტყველებთ, რა გელით შემდეგ მოსახვევში! გათხარეთ მაღაროები ოქროსა და რკინის საპოვნელად, თუმცა ფრთხილად, ზედმეტმა ხმაურმა შესაძლოა გააღვიძოს ის, ვინც სიბნელეში იმალება... „ბეჭდების მბრძანებელში: მორია“ გეიმპლეი იმითაა გამორჩეული, რომ მოთამაშეებს საკუთარი ბაზების აგება, შთამბეჭდავი ნაგებობების შექმნა და უკვე არსებულ გარემოში მორგება თავისუფლად შეუძლიათ.

„დაბრუნება მორიაში - ქართულად“, შემდეგ შთამბეჭდავ შესაძლებლობებს გთავაზობთ:

• ითამაშეთ მეგობრებთან ერთად ონლაინ კოოპერატიულ რეჟიმში და გაიზიარეთ ეს ფანტასტიკური თავგადასავალი.
• გადარჩით წყვდიადში: მოიპოვეთ რესურსები, ინადირეთ და მოიმარაგეთ საკვები, აკონტროლეთ ძილი, სხეულის ტემპერატურა და მაღაროდან გამომავალი ხმაური.
• შეებრძოლეთ ზარდამცემ ურჩხულებს რეალურ დროში და შეეცადეთ, ამოხსნათ მორიაში ჩასაფრებული ბოროტების საიდუმლო.
• მოიპოვეთ რკინა, ოქრო და სხვა ძვირფასი მასალები და გააძლიერეთ აღჭურვილობა უძველესი სამჭედლოების დახმარებით.
• აღმოაჩინეთ მაგიური არტეფაქტები, იპოვეთ წინაპრების დაკარგული საიდუმლოებები! ეს ნივთები ხომ გადარჩენაში დაგეხმარებათ!

გახდით ჯუჯების ლეგენდის ნაწილი! შექმენით თქვენთვის სასურველი, უნიკალური ჯუჯა პერსონაჟების რედაქტორში და ერთად გავემგზავროთ მორიაში დაუვიწყარ მოგზაურობაში!