Valheim

მოემზადეთ სასტიკი, მაგრამ მომაჯადოებელი მოგზაურობისთვის ვოლჰეიმში, სკანდინავიური მითოლოგიით შთაგონებულ განსაწმენდელში. ეს არის 1-დან 10-მდე მოთამაშისთვის განკუთვნილი სათავგადასავლო თამაში, სადაც თქვენ მოგიწევთ ბრძოლა, მშენებლობა და გადარჩენა, რათა ოდინის მფარველობა დაიმსახუროთ. უცნობი მიწების აღმოსაჩენად, თქვენ მოგიწევთ ზღვაზე გემით მოგზაურობა და სისხლისმსმელი მონსტრების წინააღმდეგ ბრძოლა!

„ვალჰეიმის“ სამყაროში თქვენ შეძლებთ დიდებული დარბაზების აგებასა და ბაზების მშენებლობას, რომლებიც საფრთხისგან თავშესაფარს წარმოადგენს. თამაშში არსებული დეტალური სამშენებლო სისტემა მოგცემთ საშუალებას, თქვენი გემოვნებით შეცვალოთ შენობები, როგორც შიგნიდან, ისე გარედან. რაც შეეხება ვოლჰეიმში რესურსების მოძიებას, თქვენ მოგიწევთ ბევრი გარჯა, რათა შეძლოთ იარაღის, ჯავშნის, ხელსაწყოების, გემებისა და თავდაცვითი ნაგებობების დამზადება.

გარდა ამისა, დაამშვენეთ თქვენი კერები და გაამახვილეთ პირები, მოიყვანეთ მოსავალი და ბოსტნეული, მოამზადეთ საკვები, მოადუღეთ სასმელები და წამლები, განვითარდით და დაამარცხეთ ძლიერი ბოსები, რათა ახალი რეცეპტები აღმოაჩინოთ. „ვალჰეიმი“ გთავაზობთ:

• უზარმაზარ, პროცედურულად გენერირებულ სამყაროს, სადაც ყველა ბიომი განსხვავებულია და თავისი უნიკალური მტრები, რესურსები და ხელოსნობის რეცეპტები გააჩნია.
• ბრძოლის სისტემას, რომელიც მომზადებასა და უნარებს მოითხოვს. გამოიყენეთ სხვადასხვა ტიპის იარაღი, შეტევის სტილი, შორი მანძილიდან ბრძოლა, თავის არიდება და კონტრშეტევა მტრების დასამარცხებლად.
• თქვენ შეძლებთ პატარა თავშესაფრის აშენებას ან მთელი სოფლის შექმნას, მიტოვებული შენობების დაკავებას და მათ საკუთარ სტილში მორგებას.

ეძებეთ ეპიკური თავგადასავლები და გამოსცადეთ საკუთარი თავი ამ საოცარ ვიკინგების გადარჩენის თამაშში!