BIOMUTANT

Алапат індет жайлаған, Тіршілік ағашының тамырынан өлім сорғалаған әлемге қош келдіңіз! «Biomutant» әлемінде сіз – әлемнің тағдыры таразыға түскен шақтағы шешуші тұлғасыз: тіршілікті сақтап қаласыз ба, әлде құрдымға батырасыз ба? Бұл – ашық әлемдегі постапокалиптикалық кунг-фу стиліндегі рөлдік ойын. Мұнда сіз мутанттық қабілеттерді, қару-жарақ пен жақыннан шайқасу өнерін біріктіре аласыз.

Ойын барысында жаңа Wung-Fu ұрыс тәсілдерін меңгеріп, үздік шеберлерден тәлім аласыз, бұл жауынгерлік шеберлігіңізді шыңдай түседі. Кейіпкеріңізді қаруландыруда шексіз еркіндік беріледі. Улы аймақтарды зерттеу үшін газтұмылдырық пен оттегі баллонын пайдаланыңыз, немесе криогенді аймақтарға төтеп беретін арнайы киім киіңіз.

Мутанттар әлемі сіздің генетикалық кодыңызды өзгертуге және ғажайып қабілеттерге қол жеткізуге жол ашады. «Biomutant» ойнау сізге телекинез және левитация секілді қабілеттерді пайдаланып, ойынның әрбір сәтінен ләззат алуға мүмкіндік береді. Оқиға барысын баяндаушы сіздің әрбір іс-әрекетіңізді қадағалап, қызықты оқиғалар мен тосын шешімдерге толы сапарда жол көрсетеді. Есіңізде болсын, әр қабылданған шешім – сіздің болашағыңызды айқындайды! Бұл ойында сіз тозған әлемді зерттеп, бункерлер мен туннельдерді аралап, тау шыңдарына өрмелеп, аралдарды кезіп шығасыз. Әрбір бұрылыста жаңа құпиялар мен аңыздар ашылады.