Commandos: Origins

Պատրաստվի՛ր ճակատագրական առաքելության: Commandos: Origins-ի հայերեն տարբերակով դու ականատեսը կլինես, թե ինչպես կերտվեց Երկրորդ համաշխարհային պատերազմի լեգենդար էլիտար ջոկատը։ Սերիայի երկար սպասված վերադարձը քեզ կտանի դեպի ռազմավարական խաղերի արմատները։ Ջեք Օ'Հարան՝ Կանաչ բերետը, և իր համախոհները միավորվում են՝ կազմելով թիմ, որը պատրաստ է ստանձնել անհնարին գործողություններ։

Պատմության կարևորագույն պահերի ստվերում, որտեղ ծնվում են հերոսներն ու լեգենդները, սկսվում է նոր էջ։ Համարձա՞կ արշավանք, դիվերսիա՞, թե՞ փրկարարական գործողություն․ Կանաչ բերետը, Սակրավորը, Դիպուկահարը, Վարորդը, Ծովային հետևակը և Լրտեսը մեկտեղում են իրենց ուժերը՝ ամենադժվար մարտահրավերներին դիմակայելու համար։ Հաղթանակը կախված է մտածված պլանավորումից, գաղտնի մարտավարությունից և էլիտար մարտիկների յուրահատուկ հմտություններից։ Քեզ սպասում են բազմաթիվ ուղիներ դեպի հաղթանակ՝ մարտավարական հնարքների ճիշտ կիրառում և շրջապատող միջավայրի նրբություններին տիրապետում, թշնամու տարածք ներթափանցելու, շենքեր մագլցելու ու տրանսպորտային միջոցներ վարելու հնարավորություններ։

Արկտիկայի սառցադաշտերից մինչև Աֆրիկայի անծայրածիր անապատներ, Եվրոպայի արևմտյան ափերից մինչև Արևելյան ռազմաճակատ՝ դու ես առաջնորդելու քո կոմանդոսներին դեպի հաջողություն ամենավտանգավոր առաքելություններում։ Կռվի՛ր նացիստական զավթիչների դեմ՝ պաշտպանելով ազատ աշխարհը։ Commandos Origins-ում քեզ սպասում են ավելի քան 10 առաքելություն Երկրորդ համաշխարհային պատերազմի պատմական վայրերում, որոնք կտանեն դեպի Արկտիկայի ամայի ու աֆրիկյան տաք անապատներ։ Եթե փնտրում ես լավագույն ռազմավարական խաղեր կամ հետաքրքրվում ես «Հայաստանում ռազմավարական խաղերով», ապա այս խաղն այն է, ինչ հենց քեզ է պետք։ Բաց մի թող հնարավորությունը ընկերոջդ հետ միասին անցնել բոլոր փորձությունները՝ շնորհիվ բաժանված էկրանով խաղալու ռեժիմի։