Microtopia

Պատրա՞ստ եք ստեղծել ձեր սեփական միկրոաշխարհը Microtopia-ում և ստանձնել ռոբոտ մրջյունների գաղութի ղեկավարումը։ Օգտագործե՛ք ֆերոմոնային հետքեր՝ մատակարարման շղթաների կառավարումն առավել դյուրին դարձնելու, աշխատանքն ավտոմատացնելու և արտադրողականությունը բարձրացնելու համար։ Հավաքե՛ք ռեսուրսներ, արտադրե՛ք ապրանքներ, հոգ տարե՛ք մայր մրջյունի մասին, մեծացրե՛ք ձեր գաղութը և նվաճե՛ք նոր տարածքներ՝ ձեր տեսակը պահպանելու նպատակով։ Այս ամենը դուք կզգաք «Փոքրիկ աշխարհ» ռազմավարական խաղում:

Microtopia-ում դուք ստանձնում եք ռոբոտ մրջյունների գաղութի կառավարումը, ձևավորում փոխադրման ցանցը, բացահայտում անկրկնելի միջավայրեր և ընդլայնում ձեր թագավորությունը։ Ձեր նպատակն է՝ բազմապատկվել և հզորանալ։ Օգնե՛ք երիտասարդ թագուհիներին թռչել հեռավոր վայրեր, հիմնել նոր գաղութներ և ապահովել տեսակի բարգավաճումը:

Եթե փնտրում եք ոչ թե պարզապես խաղ, այլ լավագույն ռազմավարությունը, որը կհետաքրքրի խորը մտածվածությամբ և գրավիչ զարգացումներով, ապա Microtopia-ն հենց այն է, ինչ ձեզ հարկավոր է։ Համոզվա՛ծ եղեք, որ այս խաղն ունի հետևյալ առանձնահատկությունները.

• Ուղարկե՛ք ձեր թագուհուն նոր բնակավայր հիմնելու և բացահայտե՛ք էլեկտրոնային թափոնների յուրօրինակ աշխարհը:
• Օգտագործե՛ք արահետներն ու կառույցները՝ ձեր մրջյուններին ճիշտ ուղղորդելու համար: Ապահովե՛ք գաղութը անհրաժեշտ ռեսուրսներով, արտադրե՛ք օգտակար իրեր և հոգացե՛ք թագուհու կարիքները:
• Ընդարձակե՛ք ձեր գաղութը և ճամփորդե՛ք դեպի հարևան կղզիներ: Գտե՛ք բազմազան կենսավայրեր և բացահայտե՛ք բույսերի նոր տեսակներ՝ միաժամանակ փորձելով հասկանալ, թե ինչպես օգտագործել դրանց ռեսուրսները:
• Ապահովե՛ք բազմացումը։ Ինչպես ցանկացած կենդանի արարածի դեպքում, ձեր գլխավոր նպատակը հետևողական աճն է։ Հավաքե՛ք անհրաժեշտ ռեսուրսները, որպեսզի կարողանաք նոր թագուհիներ դաստիարակել, որոնք թռչելով նոր գաղութների հիմքը կդնեն:

Եթե փնտրում եք մի խաղ, որը թե՛ լավ փորձություն կլինի ռազմավարության սիրահարների համար, և թե՛ կպարգևի սեփական կայսրությունը կառուցելու բերկրանքը, ապա առանց վարանելու սկսե՛ք ձեր արկածները Microtopia-ում հենց հիմա: