RiME

Көзіңізді ашып, ғажайып әлемге қадам басыңыз! RiME сізді тылсымға толы оқиғалардың тереңіне жетелейді. Дауылдан кейін жұмақ аралда оянған жас баланың рөлін сезініп, ғаламат сапарға шығыңыз. Ақылыңызға, қайсарлығыңызға және ең сенімді досыңыз – түлкіге арқа сүйеп, аралдың түпкі сырын ашыңыз, аспанмен таласқан мұнараның басына көтеріліңіз. RiME – қазақ тіліндегі тылсымға толы саяхаты!

Ойынның негізгі мақсаты – аралды зерттеу және бас қатырғыш жұмбақтарды шешу. Аралдың әрбір бұрышын ұқыпты зерттеп, көзіңізден тасада қалған нысандарды тауып, RiME құпияларының кілтін іздеңіз. Осы қызықты саяхатта сізді не күтеді?

• Шексіз зерттеу: Аралдың әрбір тылсым бұрышы сізді таң қалдырады, жасырынған қазыналарды іздеп, табиғатпен үндесіңіз!
• Ой-сананы сынау: Көне жұмбақтарды шешіп, қиындықтарды жеңудің рахатын сезініңіз, ақыл-ой бәсекесіне түсіңіз!
• Терең құпиялар: Басты кейіпкердің тарихына терең бойлап, жасырын сырлар әлеміне сапар шегіңіз!

RiME – өзіндік стилі мен әсерлі атмосферасы арқылы ойыңызды жаулайтын інжу-маржан іспетті инди-ойын. Tequila Works студиясының осы ғажайып туындысы сіздің жаныңызды баурап алатынына кәміл сенімдімін!