Cataclismo

«Կատակլիզմո». մի աշխարհ, որը պատվել է մառախուղի մահաբեր շղարշով, ու միայն դու ես այս քաոսում մնացած մարդկության վերջին հույսը։ Կերտիր անառիկ միջնաբերդներ՝ աղյուս առ աղյուս, դիմագրավիր դաժան մարտահրավերներին, և վեր խոյացիր՝ հույսով, տոկունությամբ ու համայնքի անսասան կամքով զինված։ Ցերեկը՝ դու ճարտարապետն ես, գիշերը՝ հրամանատարը։ Խելամտորեն տնօրինիր ունեցած ռեսուրսներդ ու LEGO®-ից ներշնչված մեխանիզմների շնորհիվ ամրոցդ վերածիր անխոցելի պատվարի՝ հաշվի առնելով եղանակային տատանումները, տեղադրելով խորամանկ թակարդներ ու ճիշտ դասավորելով զորքերը։ Երբ գիշերային քողը պարուրի աշխարհը, կհարձակվեն նաև մահաբեր հրեշները՝ ամեն ինչ ոչնչացնելու մոլուցքով։ Իրատեսական ֆիզիկայի շնորհիվ փլվող ամեն աղյուս մահ է սփռում թե՛ դաշնակիցների, թե՛ թշնամիների վրա։ Իսկ այս փորձությունների ժամանակ ամենակարևորը քո ամրոցի անխափան աշխատանքն է. առանց դադարի հոգ տար ու բարելավիր այն։ Հատուկ կառույցներն ու անսահման զարգացումները քեզ թույլ կտան դիմակայել ցանկացած փոթորկի։

Եթե ռազմավարական ժանրի երկրպագու ես ու փնտրում ես «Լավագույն ռազմավարական խաղերից» մեկը, ապա «Cataclismo»-ն հաստատ քեզ համար է։ Այս խաղում դու վարպետորեն ես ղեկավարելու զորքերի լայն շարքը՝ յուրաքանչյուրին առաջնորդելով դեպի մարտավարական առումով ամենանպատակահարմար դիրքը։ Քո զինվորներից յուրաքանչյուրն օժտված է բացառիկ հմտություններով, որոնք ակտիվանում են պաշարման ժամանակ, իսկ քո խնդիրն է խելացի թակարդներ տեղադրելով կասեցնել հակառակորդի առաջխաղացումը։ Իսկ PC-ի «Cataclismo» տարբերակում կգտնես հարյուրավոր դետալներ, որոնցով կկարողանաս ֆիզիկայի կանոններին ենթարկվող անհավանական միջնաբերդ կառուցել։ Բացի այդ, կօգտագործես պաշարողական զենքերի լայն տեսականի՝ կրակոտ նետեր, թույն և խորամանկ թակարդներ:

30 ժամ տևողությամբ մենախաղից զատ, «Cataclismo»-ն առաջարկում է խաղային էլ ավելի մեծ բազմազանություն՝ «Գոյատևում», «Ստեղծագործական» և «Պատերազմական» ռեժիմներում, ինչպես նաև Լեդի Իրիսի հեշտ չտրվող գաղտնիքները պարզելու հետաքրքիր արկածը։ Իսկ «Cataclismo»-ում քաղաք կառուցել նշանակում է նոր կյանքի հույս ներշնչել խավարում գոյատևող աշխարհին: